Share

Titli Jo Ek Mujh Ko Mili Thi Kitaab Mein,
Wo Apna Aks Chorr Gayi Mere Khwaab Mein,

Ab Tak Wo Mere Zehen Mein Uljah Sawaal Hai,
Shamil Rahi Jo Har Ghari Mere Nisaab Mein,

Aankhon Mein Neend Hai Na Koi Khwaab Door Tak,
Rehte Hain Hum Bhi Aaj Kal Waise Azaab Mein,

Milta Hai Gardishon Se Galey Lag K Chaand Bhi,
Aaye They Simat K Faasle Kitne Saraab Mein,

Aakhir Meri Wafa Ka Mujhe Kia Sila Mila,
Likha Na Ek Harf Bhi Usne Jawab Mein.

Share

Is Imtehan Mein Hoon Dil Ka Hisab Kis Ko Doon,
Hisab-e-Ishq Pe Likhi Kitab Kis Ko Doon,

Har Aik Shakhs Ko Mujh Se Bohat Mohabbat Hai,
Sawal Ye Hai Wafa Ka Jawaab Kis Ko Doon,

Mera Khuloos Mohabbat Wafa Hai Sab K Liye,
Sochta Hon K Lab-e-Lubaad Kis Ko Doon,

Mere Liye To Sabhi Log Aik Jaise Hain,
Sukoon Kis Ko Doon Main Izteraab Kis Ko Doon,

Hojoom-e-Husn K Meley Main Sochta Hoon Main “Wasi”
Haath Main Thama Gulaab Kis Ko Doon.

Share

Paida Rah-E-Khalos Mein Dushwariyan Na Kar,
Chahat Nahi To Hum Se Ada Kariyan Na Kar,

Lafzoon Se Khailny Ki Zarorat Nahi Tujhy,
Saada Diloon K Sath Ye Fankariyan Na Kar,

Jin Se Nahi Lagao Unhein Munh Bhi Na Laga,
Be Wajah Har Dukaan Se Khridariyan Na Kar,

Tu Shakh-E-Gul Hai Koi Amar Bail To Nahi,
Wabasta Har Shajar Se Wafadariyan Na Kar,

Taaza Hai Dil Pe Daagh Agar Pehli Maat Ka,
Phir Doosri Shikast Ki Tayariyan Na Kar.

Share

Kisi Ki Yaad Dil Me Hai Koi Ehsaas Baqi Hai,
Badalte Mausamon K Darmiyan Ek Raaz Baqi Hai,

Abhi Main Safar Mein Hon Mile Gi Manzil Mujhe,
Magar In Raaston K Darmiya Ek Sath Baqi Hai,

Kahin Pe Shaam Dhalti Hai Kahin Raat Hoti Hai,
Abhi To Chaandni Hai Chaand Ki Raat Baqi Hai,

Chale Aao Kisi Din Tum Humara Haal Bhi Dekho,
Humara Jism Murda Hai Magar Ek Saans Baqi Hai,

Umeed Hai Phir Bhi Mile Ga Wo Humein Ek Din,
Khuda Par Hai Bharosa, Khuda Ki Zaat Baqi Hai.