Share

Veeran Bohat Hon Vasal Se Tashkeel Kar Mujhe,
To Mujhse Pyar Kar Zara Tabdeel Kar Mujhe,

Sehra Ki Tapti Rait Se Aa Kar Mujhe Bacha,
To Thande Meethe Pani Ki Jheel Kar Mujhe,

Ho Jaye Na Kharab Kaheen Meri Aadatain,
Har Hukm Par Na Is Tarha Taameel Kar Mujhe,

Ab Is Tarha Say Mujhko Adhura Na Chorr Tu,
Main Hoon Tera Wada To Ab Takmeel Kar Mujhe,

Choh Kar Mera Wajood Tajalli Si Bakhsh De,
Main Ek Andheri Raat Hon Qandeel Kar Mujhe.

Share

Khamosh Lehje Mery Humdam Kabhi bola Nahi Karte,
Dard-e-Dil ko Har Kisi k Samne Khola Nahi Karte,

Mohabbat Tu Mohabbat Hai Bari Unmol Hoti Hai,
Mohabbat ko Tarazon Mein Kabhi Tola Nahi Karte,

Mere Khamosh Rehney Par Koee Ilzam mat Dena,
Samundar Tu Samandar Hai Kabhi Bola Nahi Karte.

Share

Aas Phir Se Ubhaarta Hai Koi,
Phir Se Mujh Ko Pukaarta Hai Koi,

Paas Hota To Baat Ban Jaati,
Duuriyon Se Pukaarta Hai Koi,

Maarta Dil Pe Hai Koi Patthar,
Dil Ko Patthar Pe Maarta Hai Koi,

Phool Shaayad Utar Nahi Paaya,
Dil Mein Khanjar Utaarta Hai Koi,

Aag Seeney Mein Paalna Kaisa,
Umar Aise Guzaarta Hai Koi,

Aayina Choor Koi Karta Hai,
Zulf Apne Sanwaarta Hai Koi,

Manzilon Ke Qareeb Aake ‘NISAR’,
Apni Himmat Ko Haarta Hai Koi.

Share

O Be Khabar Tujhe Kia Khabar, Teri Ankhon Me Kesa Jamal Hai,
Tujhe Dekh Le Jo Bas Ek Nazar, Uski Ankhon Me Phir Ye Sawal Hai,

Mujhe Neend Se Kio Jaga Dia, Mujhe Khwab Kesa Dekha Dia,
Koi Noor Hai, Koi Hoor Hai, Ya Sadgi Ki Misal Hai,

Teri Saans Se Meri Aas Hai, Tu Jo Pas Hai Ye Saans Hai,
Mujhe Zindagi Ki Tu Bheek De, Meri Zindagi Ka Sawal Hai,

Meri Har Nazar Me Basa Hai Tu, Mere Har Qalam Pe Likha Hai Tu,
Tujhe Soch Lon To Ghazal Meri, Na Likh Skoon To Khayal Hai.