Share

Bohat Dinon Se Hai Be-Aab Chashm E Khon Basta,
Wagerna Hum Bhi Charaghan Kinar E Joo Kartay,

Ye Qurb Marg-E-Wafa Hai Agar Khabar Hoti,
To Hum Bhi Tujh Se Bicharnay Ki Aarzu Kartay,

Chaman Parast Na Hotay To Aey Naseem E Bahar,
Misal-E-Barg E Khazan Teri Justju Kartay,

Hazar Kos Pe Tu Aur Ye Shaam Ghurbat Ki,
Ajeeb Haal Tha Per Kis Se Guftagu Kartay,

Faraz Misra-E-Aatish Pe Kya Ghazal Kehtay,
Zaban E Ghair Se Kya Sharh-E-Aarzoo Kartay,

Share

Ho Raat Akeli Pechly Peher, Aur Chand Gagan Mein Aa Jaye,

Tum Chand Ki Manind Tanha Ho, Ye Baat Tumhy Tarrpa Jaye,

Kuch Khawab Saja K Pallkoon Py, Tum Chand Se Baatein Kr Lena,

Hum Yaad Tumhi Ko Karty Hain, Tum Yaad Humain Bhi Kar Lena.

Share

Mujhe Aansoun Ki Talab Nahi,
Mujhe Zindagi Ki Talash Hai,

Jisay Dhond Kar Bhi Na Pa Saka,
Mujhe Phir Ussi Ki Talash Hai,

Mujhe Dushmanon Mein Na Dhondna,
Mujhe Doston Mein Talashna,

Main Mohabbaton Ka Aseer Hon,
Mujhe Dosti Ki Talash Hai,

Meri Rah-e-Azm-e-Talash Mein,
Koi Zindagi Ka Rafeeq Ho,

Koi Aanson Ka Charagh De,
Mujhe Roshni Ki Talash Hai,

Main Bulandion Ka Zameer Hon,
Main Rafaqaton Ka Pazeer Hon,

Mujhe Nafraton Ki Zamin Par,
Mohabbaton Ki Talash Hai.

Share

Yehi Wafaa Ka Silaah Hai, To Koi Baat Nahi,
Yeh Dard Tum Ne Diya Hai, To Koi Baat Nahi,

Yehi Bohat Hai Ke Tum Dekhte Ho Sahil Se,
Safeena Doob Raha Hai, To Koi Baat Nahi,

Rakha Tha Aashiyana-E-Dil Mein Choopa Ke Tumko,
Woh Ghar Tumne Chor Diya Hai To Koi Baat Nahi,

Tum Hi Ne Aayena-E-Dil Mera Banaya Tha,
Tum Hi Ne Tor Diya Hai To Koi Baat Nahi.

Kise Majaal Kahe Koi Mujh Ko Deewana,
Agar Yeh Tumne Kaha Hai To Koi Baat Nahi,