Sach kahun mujh ko ye unwaan bura lagta hai

Sach kahun mujh ko ye unwaan bura lagta hai,
Zulm sehta howa insaan bura lagta hai,

Kis qadar ho gayi masroof ye duniya apni,
Ek din thehrey to mehmaan bura lagta hai,

Un ki khidmat to bohat door, bahoo betiyon ko,
Burhay maa baap ka farmaan bura lagta hai,

Mery ALLAH meri naslon ko zillat se nikaal,
Haath phelaye Musalman bura lagta hai.