Dil-E-Naadan To Mohabbat Ki Sada Deta Hai

Dil-E-Naadan To Mohabbat Ki Sada Deta Hai,
Jisse Chaho Wohi Shakhs Dagha Deta Hai,

Phir Main Kio UsSe Mohabbat Ki Tawaqqo Rakhon,
Jo Har Baat Raqeebon Ko Bata Deta Hai,

Tu Agar Bewafa Hai To Kia Gham,
Dil To Phir Bhi Tujhe Jeeny Ki Dua Deta Hai,

Tum Samajhte Ho K Har Shakhs Na Samajh Hai,
Waqt Ustaad Hai Har Baat Sikha Deta Hai,

Tum Agar Zakhm Pe Chirko Gay Namak,
Waqt Marham Hai Har Cheez Bhula Deta Hai.

Gardish K Baad Zaat Ka Mehvar Mila Mujhay

Gardish K Baad Zaat Ka Mehvar Mila Mujhay,
Jis Se Nikal Gaya Tha Wohi Ghar Mila Mujhay,

Zarray K Aik Juz Se Khula Raaz-E-Kainaat,
Qatray Ki Wussaton Mein Samandar Mila Mujhay,

Kitni Ajeeb Baat Hai Jo Chahta Tha Main,
Qismat Se Us Tarha Ka Muqaddar Mila Mujhay,

Main Tha K Kaifiyaat K Pardoon Mein Qaid Tha,
Wo Tha K Her Lihaaz Se Khul Kar Mila Mujhay,

Duniya Ki Wussaton Mein Usay Dhoondta Raha,
Lekin Khuda Meri Zaat K Andar Mila Mujhay.