Roz Bikti Hai
Naseehat Roz Bikti Hai Aqeedat Roz Bikti Hai,
Tumhary Shehar Mein Logo Mohabbat Roz Bikti Hai,
Ameer-E-Shehar K Dar Ka Abhi Mohtaj Hai Mazhab,
Abhi Mulla K Fatwon Mein Shariyat Roz Bikti Hai,
Humare Khoon Ko Bhi Wo Kisi Din Beych Daly Ga,
Kharidaron K Jhurmat Mein Adalat Roz Bikti Hai,
Najany Lutf Kia Milta Hai Un Ko Roz Bikney Mein,
Tawaif Ki Tarha Logo Qayadat Roz Bikti Hai,
Kabhi Masjid K Mimber Par, Kabhi Hujray Mein Chup Chup K,
Merey Waiz K Lehjy Mein Qayamat Roz Bikti Hai,
Bari Lachaar Hain, Jabinein In Gharibon Ki,
K Majbori Ki Mandi Mein Ibadat Roz Bikti Hai.