Teri Ek Dua K Jawab Mein

Teri Ek Dua K Jawab Mein,
Kia Likhon K Hath Uthey Huwe Hain Sawal Ko,

Tujhe Rab Kabhi Na Malal Dey,
Tujhe Rab Kabhi Na Zawal Dey,
Teri Sab Balaon Ko Tal Dey,
Teri Zindagi Ko Sanwar Dey,
Tujhe Dekh Kar Khilen Gul Yahan,
Tujhe Aisa Husn-o-Jamal Dey,
Tujhe Kia Likhun?
Tujhe Kia Main Dun?
Meri Rab Se Hai Yehi Iltija,
Apni Rehmaton K Gulab Sab,
Wo Teri Khizaon Mein Daal Dey.

Ameen

Mujhay Duaon Mein Yaad Rakhna

Mujhey Duaon Mein Yaad Rakhna,
Main Wo Musafir Hon Jiska Rasta Bohat Kathin Hai,
Mera Asasa Hi Dosti Hai.
Ye Ghup Andheron Mein Roshni Hai,
Ye Kali Raaton Mein Chandni Hai,
Esi Saharey Guzar Rahy Hain,
Ye Zindagi K Haseen Lamhain,
Ye Meri Izzat,
Ye Meri Shohrat,
Hain Doston Ki Dua Ka Hasil,
Mujhay Duaon Ka Aasra Hai,
Meri Bas Itni Si Iltija Hai,
Meri Umeedon Ki Laaj Rakhna,
Mujhay Duaon Mein Yaad Rakhna,
Mujhay Duaon Mein Yaad Rakhna.