Share

So Batain Suni Maine Ek Baat Ki Khatir,

Har Baat Gawara Hai Teri Zaat Ki Khatir,

Ta-Hayaat Rahe Tere Honton Pe Tabasum,

Hazir Hain Meri Aankhen Barsaat Ki Khatir.

Share

Khud Ko Is Dil Mein Basane Ki Ijazat De Do,
Mujh Ko Tum Apna Bananay Ki Ijazat De Do,

Tum Meri Zindagi Ka Ek Haseen Lamha Ho,
Phoolon Say Khud Ko Sajanay Ki Ijazat De Do,

Main Kitna Chahta Hon Kis Tarha Bataon Tumhain,
Mujhay Ye Aaj Batanay Ki Ijazat De Do,

Tumhari Raat Si Zulfon Mein Chand Sa Chehra,
Mujhay Yeh Sham Sajanay Ki Ijazat De Do,

Mujhay Qaid Kar Lo Apnay Ishq Mein,
Yeh Jaan Tum Pe Lutanay Ki Ijazat De Do,

Nahi Hai Shauq Us Ko Bhoolnay Ka Magar,
Mujhay Yeh Duniya Bhoolanay Ki Ijazat De Do,

Share

Wo Bhi Kia Kia Din Thy,

Ammi Ki Goad Aur Papa K Kandhe,

Na Parhai Ki Soch, Na Life K Funde,

Na Kal Ki Chinta, Na Future K Sapne,

Ab Kal Ki Hay Fikar, Aur Adhure Hain Sapne,

Murr K Dekha To Bohat Door Hain Apne,

Manzilon Ko Dhoondhte Howe Kahan Kho Gaye Hum,

Kitni Jaldi Itne Bare Ho Gaye Hum.

Share

Dunia Se Mujhy Pyar Tha, Sab Bhool Chuka Hoon,
Ek Shakhs Mera Yaar Tha, Sab Bhool Chuka Hoon,

Bakhshi Hai Mujhy Pyar Kay Badle Mein Judai,
Jo Bhi Tera Kirdar Tha, Sab Bhool Chuka Hoon,

Bas Itna Mujhy Yaad Hai Ik Wasal Ki Shab Thi,
Iqrar Tha Inkar Tha, Sab Bhool Chuka Hoon,

Haan Meri Khata Thi K Tujhy Toot K Chaha,
Haam Main Hi Gunehgar Tha, Sab Bhool Chuka Hoon,

Ek Shakhs Nay Pagal Sa Bana Rakha Tha “Wasi”
Main Kitna Samajh Dar Tha, Sab Bhool Chuka Hoon,