Jab Yaad Ka Qissa Kholon To,
Kuch Dost Bohat Yaad Aate Hain,
Main Guzre Pal Jo Sochon To,
Kuch Dost Bohat Yaad Aate Hain,
Ab Jane Konsi Nagri Mein,
Abad Hain Jakar Muddat Se,
Main Raat Gaye Tak Jagon To,
Kuch Dost Bohat Yaad Aate Hain,
Kuch Batain Thi Pholon Jesi,
Kuch Lehjay Khusbo Jese Thy,
Main Sheher-e-Chaman Mein Tehloon To,
Kuch Dost Bohat Yaad Aate Hain,
Wo Pal Bhar Ki Narazgiyan,
Aur Maan Bhi Jana Pal Bhar Main
Ab Khud Se Jab Bhi Rothon To,
Kuch Dost Bohat Yaad Aate Hain.
