Aankh Ban Jati Hai Sawan Ki Ghata Sham K Baad

Aankh Ban Jati Hai Sawan Ki Ghata Sham K Baad,
Mujh Se Ho Jata Hai Har Koi Khafa Sham K Baad,

Chaand Jab Ro K Sitaron Se Galy Milta Hai,
Aik Ajab Rang Ki Hoti Hai Fiza Sham K Baad,

Hum Ne Tanhai Se Pocha K Milo Gi Kab Tak?
Us Ne Be-Chaini Se Foran Hi Kaha Sham K Baad,

Loat Aati Hai Meri Shab Ki Ibadat Khali,
Jane Kis Arsh Pe Jati Hai Dua Sham K Baad,

Maar Jata Hai Bichar Janne Ka Dohra Ehsaas,
Kash Na Ho Koi Kisi Se Juda Sham K Baad.

Author: Rashid