Aashiqui Mein Mir Jaise Khwab Mat Dekha Karo

Aashiqi Mein Mir Jaise Khwab Mat Dekha Karo,
Bawle Ho Jaogy Mahtab Mat Dekha Karo,

عاشقی میں میرؔ جیسے خواب مت دیکھا کرو
باؤلے ہو جاؤ گے مہتاب مت دیکھا کرو

Jasta Jasta Parh Liya Karna Mazamin-e-Wafa,
Par Kitab-e-Ishq Ka Har Baab Mat Dekha Karo,

جستہ جستہ پڑھ لیا کرنا مضامین وفا
پر کتاب عشق کا ہر باب مت دیکھا کرو

Is Tamashe Mein Ulat Jati Hain Aksar Kashtiyan,
Doobne Valon Ko Zer-e-Ab Mat Dekha Karo,

اس تماشے میں الٹ جاتی ہیں اکثر کشتیاں
ڈوبنے والوں کو زیر آب مت دیکھا کرو

MaiKade Mein Kia Takalluf MaiKashi Mein Kia Hijab,
Bazm-e-Saqi Mein Adab Adab Mat Dekha Karo,

مے کدے میں کیا تکلف مے کشی میں کیا حجاب
بزم ساقی میں ادب آداب مت دیکھا کرو

Ham Se Durveshon Ke Ghar Aao To Yaron Ki Tarah,
Har Jagah Khas-Khana-o-Barfab Mat Dekha Karo,

ہم سے درویشوں کے گھر آؤ تو یاروں کی طرح
ہر جگہ خس خانہ و برفاب مت دیکھا کرو

Mange Tange Ki Qabaen Dair Tak Rehti Nahin,
Yaar Logon Ke Laqab Alqab Mat Dekha Karo,

مانگے تانگے کی قبائیں دیر تک رہتی نہیں
یار لوگوں کے لقب القاب مت دیکھا کرو

Tishnagi Mein Lub Bhigo Lena Bhi Kafi Hai FARAZ,
Jaam Mein Sahba Hai Ya Zahrab Mat Dekha Karo.

تشنگی میں لب بھگو لینا بھی کافی ہے فرازؔ
جام میں صہبا ہے یا زہراب مت دیکھا کرو