Ab K Hum Bichre To Shayad

Ab K Hum Bichre To Shayad Kabhi Ḳhwabon Mein Milen,
Jis Tarah Sokhe Howe Phool Kitabon Mein Milen,

اب کے ہم بچھڑے تو شاید کبھی خوابوں میں ملیں
جس طرح سوکھے ہوئے پھول کتابوں میں ملیں

Dhondh Ujre Howe Logon Mein Wafa K Moti,
Ye Ḳhazane Tujhe Mumkin Hai Ḳharabon Mein Milen,

ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں

Gham-e-Duniya Bhi Gham-e-Yar Mein Shamil Kar Lo,
Nashsha Barhta Hai Sharaben Jo Sharabon Mein Milen,

غم دنیا بھی غم یار میں شامل کر لو
نشہ بڑھتا ہے شرابیں جو شرابوں میں ملیں

Tu Ḳhuda Hai Na Mira Ishq Farishton Jaisa,
Donon Insan Hain To Kion Itne Hijabon Mein Milen,

تو خدا ہے نہ مرا عشق فرشتوں جیسا
دونوں انساں ہیں تو کیوں اتنے حجابوں میں ملیں

Aaj Hum Daar Pe Khinche Gaye Jin Baton Par,
Kia Ajab Kal Wo Zamane Ko Nisabon Mein Milen,

آج ہم دار پہ کھینچے گئے جن باتوں پر
کیا عجب کل وہ زمانے کو نصابوں میں ملیں

Ab Na Wo Main Na Wo Tu Hai Na Wo Maazi Hai FARAZ,
Jaise Do Saye Tamanna K Sarabon Mein Milen.

اب نہ وہ میں نہ وہ تو ہے نہ وہ ماضی ہے فرازؔ
جیسے دو سائے تمنا کے سرابوں میں ملیں