Be-rabt Si Tehreer Ibarat Nahi Hoti,
Hathon Ki Lakeeron Me To Qismat Nahi Hoti,
Sajdey Me Dikhawa Ho To Sajda Nahi Hota,
Gardan K Jhukany Se Ebadat Nahi Hoti,
Wo Shaks Mohabbat Se Hamesha Raha Mehroom,
Auron K Liye Jis Me Mohabbat Nahi Hoti,
Chehre Ka Hi Singhar Kabhi Kaam Na Aaya,
Seerat K Bina Koi Bhi Sorat Nahi Hoti,
Shahkaar Ki Takmeel Me Shamil Na Ho Gar Fikr,
Tasveer To Ban Jati Hai, Seerat Nahi Hoti
