Bichar K Tujh Se

Bichar K Tujh Se Yehi Khud Ko Saza Di Maine,
Teri Talash Mein Ek Umar Laga Di Maine,

Tujhe Jo Dil Se Nikala To Yun Laga Jese,
Apne Andar Koi Dewaar Gira Di Maine,

Gongay Behron Mein Raha Jese Koi Naabina,
Zindagi Tere Bina Aise Bita Di Maine,

Jis Ka Har Lafz Adhora Raha Sanam Tum Bin,
Zindagi Aisi Aik Kitaab Bana Di Maine,

Wasi Us Ko Achanak Se Jo Khoya To Laga,
Zindagi Aik Hi Lamhay Mein Gawan Di Maine.

Author: SAM

Leave a Reply

Your email address will not be published. Required fields are marked *