Chahat Nahi To Hum Se Ada Kariyan Na Kar

Paida Rah-E-Khalos Mein Dushwariyan Na Kar,
Chahat Nahi To Hum Se Ada Kariyan Na Kar,

Lafzoon Se Khailny Ki Zarorat Nahi Tujhy,
Saada Diloon K Sath Ye Fankariyan Na Kar,

Jin Se Nahi Lagao Unhein Munh Bhi Na Laga,
Be Wajah Har Dukaan Se Khridariyan Na Kar,

Tu Shakh-E-Gul Hai Koi Amar Bail To Nahi,
Wabasta Har Shajar Se Wafadariyan Na Kar,

Taaza Hai Dil Pe Daagh Agar Pehli Maat Ka,
Phir Doosri Shikast Ki Tayariyan Na Kar.

Author: Ifrahim