Dil Ko BaNam-e-Ishq Sajana Para Humain

Dil Ko BaNam-e-Ishq Sajana Para Humain,
Phir Ek Fareb Dil Mein Basana Para Humain,

Ye Kis Ka Haal Kis Ko Sunana Para Humain,
Aur Dil Ka Haal Dil Se Chupana Para Humain,

Jal Kar Bhi Tere Naam Ki Khushbu Bikher Di,
Pholon Mein Aisi Aag Lagana Para Humain,

Daman Ye Khaar Se Nahin Pholon Se Taar Hai,
Jaane Ye Kaisa Qarz Chukana Para Humain,

Jab Se Khushi Salib-e-Mohabbat Pe Char Gai,
Hansna Bhi Ab Udhar Mein Laana Para Humain,

Khulte Hein Roz Kia Ye Mohabbat K MayKade,
Ye Aazma K Dekhne Jaana Para Humain,

Ek Aarzu K Vaste Kia Kia Nahin Kiya,
Ahmed Nisar Dil ko Jalana Para Humain.

Author: admin

Leave a Reply

Your email address will not be published. Required fields are marked *