Kahon Kis Se Qisa-e-Dard o Gham, Koi Humnashen Hai Na Yar Hai,
Jo Anees Hai Teri Yaad Hai, Jo Shafeeq Hai Dil-e-Zaar Hai,
To Hazar Karta Lagawatain, Main Kabhi Na Aata Fareeb Main,
Mujhe Pehlay Is Ki Khabar Na Thi Tera Do Hi Din Ka Ye Pyar Hai,
Ye Naveed Auron Ko Jaa Suna, Hum Aseer-e-Daam Hain Aey Saba,
Humain Kia Chaman Hai Jo Rung Per, Humain Kia Jo Fasl-e-Bahar Hai,
Mujhe Rahm Aata Hai Dekh Kar Tera Haal Akbar-e-Noha Gar,
Tujhe Wo Bhi Chahe Khuda Kare K To Jiska Aashiq-e-Zaar Hai.
(Akbar Allahabadi)
