Kuch aesey log jo zehan sey

Kuch aesey log jo zehan sey bhulaey nahi jaatey
kuch aesey lamhey jo dil sey mitaatey nahi jaatey

dard ki chaadrein meri ghazlon ko dhaanp leti hein
mujh sey sheiron mein naey rang dikhaey nahi jatey

be-basi barrh ke meri aankhon mein utar aati hey
meri hansi sey merey aansu chupaaey nahi jaatey

teri tehreeron sey aati hey terey haathon ki mehak
bewafaa mujh sey terey khat jalaaey nahi jaatey

wafaa ki raahon mein bujhney ke baad ye jaana hey
sar-e-hawa deeye mohabbat ke sajaey nahi jaatey

aey merey Khuda taqdeer ko itna to batayaa hota
dukhon ke pahaarr insaanon pe giraey nahi jaatey

Author: Visitors

Leave a Reply

Your email address will not be published. Required fields are marked *