Shab e zeest ke falak par mera maahtab tuu hai
mere ghuncha-e wafa par jo khila gulaab tuu hai
Jo shama umeed ki thi teri zaat se jali thi
ae tasawwur e shakista pas-e-iztiraab tuu hai
Mere ashkon ke shehar mein yeh ajeeb shor kaisa
ke hawaen keh rahi hain pas-e-inqilab tuu hai
Meri soch se paray tha wohi agaya zuban par
na mein dastan huun teri, na meri kitaab tuu hai
Tujhay kya galay lagaya, qata-i pata nahi tha
arey ishq-e behijabi yahan ik azaab tuu hai
Mujhe raas aanay wala mujhe raas kyun na aaya
yahi gham saata raha hai mera intikhab tuu hai
Woh sharara pal raha hai, yahan tairay mere dil mein
tera iztiraab huun mein, mera iztiraab tuu hai
Mere aaine ke ghar mein tujhay kya jagah diya tha
mere saaray raaz e hasti, kiya be naqaab tuu hai
Yun ‘Nisar’ kaam lena, meri Tishna kaamiyon se
meri pyaas ko bujhaye kahan aisa aab tuu hai
awesome