Meri Chahat Ka Sar-e-Aam To Charcha Na Karo,
Kam To Pehly Bhi Nahi Aur To Ruswa Na Karo,
Bhanp Na Jaye Kahen Dil Ki Lagi Ye Dunya,
Yun Shafaq Ban K Mery Chehry Pe Thehra Na Karo,
Baat Choti Si Bhi Afsana Bana Deti Hai,
Tum Kitabon Pe Mery Naam Ko Likha Na Karo,
Dil Ko BeChain Sa Karti Hain Tumhari Aankhen,
Raat Ko Dair Tak Mujhay Tum Socha Na Karo,
Saamny Sab K Karen Kis Tarha Iqraar Mohsin,
Yun Sar-E-Bazm To Us Se Yeh Taqaza Na Karo.
