Vo To Mujh Mein Hi Nihan Tha Mujhe Maloom Na Tha,
Khoon Ban Kar Vo Ravaan Tha Mujhe Maloom Na Tha,
Itne Majroh Thy Jazbat Humare Jis Par,
Charkh Bhi Mahv-e-Fughan Tha Mujhe Maloom Na Tha,
Pyas Shiddat Ki Thi Sehra Bhi Tarap Jata Tha,
Imtihan Sar Pe Javan Tha Mujhe Maloom Na Tha,
Pair To Pair Yahan Roh K Chahle Nikle,
Door Itna Bhi Makan Tha Mujhe Maloom Na Tha,
Dil Bhi Hota Hai Suna Karte Thy Har Seene Mein,
Dard Bhi Us Mein Nihan Tha Mujhe Maloom Na Tha,
Ishq K Bahr Mein Ghota To Lagaya Lekin,
Baad Mein Us K Kahan Tha Mujhe Maloom Na Tha,
Fitnagar Lotne Vala Sar-e-Bazar Yehan,
Itna Shireen-Zuban Tha Mujhe Maloom Na Tha,
Husn-e-Ulfat Ki Samaye Hove Seene Mein Nisar,
Dil Mein Ek Dard Javan Tha Mujhe Maloom Na Tha.
