Rishta-e-Dil Usi Se Milta Hai,
Jo Koi Sadgi Se Milta Hai,
Baith Jata Hai Dil Mera Aksar,
Jab Koi Bebasi Se Milta Hai,
Haye Afsos Mera Rasta Bhi,
Bevafa Ki Gali Se Milta Hai,
Raz-e-Dil Kia Suna Gaya Us Ko,
Tab Se Vo BeDili Se Milta Hai,
Umar Bhar Jo Mujhe Satayega,
Har Ghari BeKali Se Milta Hai,
Bhol Pana Jise Nahin Mumkin,
Phool Ban Kar Hansi Se Milta Hai,
Jis Ke Dil Mein Jagah Nahin Meri,
Mera Dil Bhi Usi Se Milta Hai,
Hal-e-Dil Ab Zuban Nahin Kehti,
Aank Ki Is Tari Se Milta Hai,
Kia Nisar Aajkal Koi Lamha,
Aap Se Bhi Khushi Se Milta Hai.
