Roshni K Teer Se Aankhein Lahoo Karta Howa

Roshni K Teer Se Aankhein Lahoo Karta Howa,
Bujh Raha Hon Main Shehar Ko Surkhru Karta Howa,

Kaash Tere Aur Mere Faasiley Bhi Khatam Hon,
Sochta Rehta Hon Zakhmon Ko Rafu Karta Howa,

Tu Kisi Ka Ho Chuka Hai Kia Dua Maangon Ga Main,
Baith Rehta Hon Tazabzub Mein Wuzu Karta Howa,

Is Andheirey Mein Koi To Ho Jo Mera Saath De,
Thakk Gaya Hon Main Akela Guftagu Karta Howa,

Dhool Sokhi Pattiyon Ka Maqbara Hoti Hoi,
Phool Khushboo K Millan Ki Aarzoo Karta Howa,

Sard Shamoon Mein Kisi Ka Garm Kamra Aur Tu,
Main Tere Waadon Ka Maatam Koo Bakoo Karta Howa,

Ab K Shahid Woh Nadaamat Hai K Apne Aap Ko,
Mar Raha Hoon Aainey K Rubaru Karta Howa.

Author: Ifrahim

Leave a Reply

Your email address will not be published. Required fields are marked *