Shabnam K Aansoo Phool Par

Shabnam K Aansoo Phool Par, Ye To Wohi Qissa Howa,
Aankhen Meri Bheegi Huen Chehra Tera Utra Howa,

Ab In Dino Meri Ghazal Khushbo Ki Ik Tasveer Hai,
Har Lafz Ghunchy Ki Tarha Khil Kar Tera Chehra Howa,

Shayad Ussy Bhi Le Gaye Ache Dino K Qafly,
Is Baagh Me Ek Phool Tha Teri Tarha Hansta Howa,

Har Cheez Hai Bazar Me, Is Hath De Us Hath Le,
Izzat Gayi Shohrat Milli, Ruswa Howe Charcha Howa,

Mandir Gaye Masjid Gaye, Peeron Faqiron Se Mile,
Ik Us Ko Pany K Liye Kia Kia Kiya, Kia Kia Howa,

Anmol Moti Pyar K Dunya Chura Kar Le Gayi,
Dil Ki Haweli Ka Koi Darwaza Tha Toota Howa,

Barsat Me Deewar-O-Dar Ki Sari Tehriren Mittein,
Dhoya Bohat Mitta Nahi Taqdeer Ka Likha Howa..
(Bashir Badr)

 

Author: Ahmed

Leave a Reply

Your email address will not be published. Required fields are marked *