Teri Udaas Tabiyat Ki Khabar Kis Ko Hai

Shab-e-Hijran ki aziyat ki Khabar Kis Ko Hai,
Meri Gumnaam Mohabbat ki Khabar Kis Ko Hai,

Kis Ko Ehsas Mery Shidat-e-Jazbaat ka Hai,
Meri Halat, Meri Wehshat Ki Khabar Kis Ko Hai,

Kon Veran Makano Ki Khabar Rakhta Hai,
Meri Ujri Hoee Kismat Ki Khabar Kis Ko Hai,

Maine Chup Chap Mohabbat K Sitam Jhailay Hain,
Meri Is Darja Shrafat Ki Khabar Kisko Hai,

Kon Aaye Ga Aey Dil Ab TujhKo Tasalli Dene,
Teri Udaas Tabiyat Ki Khabar Kis Ko Hai.

Author: admin

Leave a Reply

Your email address will not be published. Required fields are marked *