Titli Jo Ek Mujh Ko Mili Thi Kitaab Mein

Titli Jo Ek Mujh Ko Mili Thi Kitaab Mein,
Wo Apna Aks Chorr Gayi Mere Khwaab Mein,

Ab Tak Wo Mere Zehen Mein Uljah Sawaal Hai,
Shamil Rahi Jo Har Ghari Mere Nisaab Mein,

Aankhon Mein Neend Hai Na Koi Khwaab Door Tak,
Rehte Hain Hum Bhi Aaj Kal Waise Azaab Mein,

Milta Hai Gardishon Se Galey Lag K Chaand Bhi,
Aaye They Simat K Faasle Kitne Saraab Mein,

Aakhir Meri Wafa Ka Mujhe Kia Sila Mila,
Likha Na Ek Harf Bhi Usne Jawab Mein.

Author: Ifrahim