Zindagi K Udaas Lumhay Guzar Aaon

Ufaq K Us Paar Zindagi K Udaas Lumhay Guzar Aaon,

Agar Mera Sath De Sako Tum To Maut Ko Bhi Pukar Aaon,

 

Kuch Is Tarah Ji Raha Hon Jaise Uthaye Phirta Hon Laash Apni,

Jo Tum Zara Sa Bhi Do Sahara To Bar-E-Hasti Utaar Aaon,

 

Badal Gaye Zindagi K Mehvar Tavaf-e-Dair-o-Haram Kahan Ka,

Tumhari Mahfil Agar Ho Baqi To Main Bhi Parvana-Var Aaon,

 

Koi To Aisa Muqam Hoga Jahan Mujhe Bhi Sukon Milega,

Zameen K Tevar Badal Rahe Hain To Aasman Ko Sanvar Aaon,

 

Agarche Israr-e-be-Ḳhudi Hai Tujhe Bhi Zar-Posh Mahfilon Mein,

Mujhe Bhi Zid Hai K Tere Dil Mein Nuqsh-e-Mazi Ubhar Aaon,

 

Suna Hai Ek Ajnabi Si Manzil Ko Uth Rahe Hain Qadam Tumhare,

Bura Na Mano To Rahnumae Ko Main Sar-e-Rahguzar Aaon.

Author: Abdulah

Leave a Reply

Your email address will not be published. Required fields are marked *