Wo Jo Haal Tha Wahi Haal Hai, Kahon Kis Tarha Naya Saal Hai,
Wohi Zindagi K Wabaal Hain, Kahon Kis Tarha Naya Saal Hai,
Wohi Bay Yaqeeni Hai Koo Ba Koo, Wohi Na Umeedi Hai Chaar Soo,
Jo Bhi Hai Sarapa Sawal Hai, Kahon Kis Tarha Naya Saal Hai,
Wohi Dast-O-Paa Wohi Chashm-O-Lab, Jo Gahin Mein Thay Woh Gahin Mein Hain
Wohi Hussn Jis Pay Zawaal Hai, Kahon Kis Tarha Naya Saal Hai,
Wohi Intashaar Si Zindagi, Hai Wohi Ghubaar Si Zindagi,
Wohi Saans Laina Muhaal Hai, Kahon Kis Tarha Naya Saal Hai,
Wohi Phool Phool Pe Tetliyaan Hain, Darri Howi K Marri Howi,
Wohi Bay Hissi Ki Misaal Hai, Kahon Kis Tarha Naya Saal Hai,
Wohi Khwab Hain Keh Azzab Hain, Wohi Roz O Shab K Saraab Hain,
Wohi Gardish-e-Maah-o-Saal Hai, Kahonn Kis Tarha Naya Saal Hai.
