Kash Main Tera Dil Hota

KASH MAIN TERA DIL HOTA,

Teri Yaadon Teri Sochon Pe Mushtamil Hota,
Tere Sath Me Lamha Lamha Dhrakta Rehta,
Khud Se Mujh Ko Juda Na Tu Kar Pata,
Teri Zindagi Ka Daar-O-Madaar Main Hota,
Meray Baghair Tera Jeena Bohat Mushkil Hota,

Kash Main Tera Dil Hota,

Main Agar Khush Hota To Hansata Tujh Ko,
Jo Kabhi Rota To Sath Rolata Tujh Ko,
Tere Sang Jeeta Sang Hi Marta,
Teri Tamam Chahaton Ka Mehwar Hota,
Kash Aey Kash K Main Is Qabil Hota,

Kash Main Tera Dil Hota.

Mohabbat Hai Mujhe

Mohabbat Hai Mujhe Apni Tanhai Say,
Jo Tumhari Yaad K Qareeb Karti Hai,

Mohabbat Hai Mujhe Un Khwabon Se,
Jo Sirf Tumhain Dekha Karti Hain,

Mohabbat Hai Mujhe Guzarti Har Us Raat Say,
Jo Beet Gai Tumhari Yaad Mein,

Mohabbat Hai Mujhe Us Sawal Say,
Jiska Jawab Tum Ho,

Mohabbat Hai Mujhe Apne Dil Say,
Jo Dharakta Hai Sirf Tumhary Liye,

Mohabbat Hai Mujhe Apni Saans Say,
Jis Me Sirf Tumhara Naam Basa Hai.

Dard Jeet Jata Hai

Dost Milte Julte Hain,
Sath Sath Chalte Hain,
Sath Sath Chalne Mein,
Ranjishen To Hoti Hain,
Ranjishon Me Bhi Lekin,
Chahatein To Hoti Hain,
Chahaton Ki Bhi Har Pal,
Ek Ajab Kahani Hai,
Hont Hanste Rehte Hain,
Aankhen Bheeg Jati Hain,
Bheegi Nigahon Mein,
Khwab Jalte Bhujhte Hain,
Dard K Is Safar Mein Kuch,
Morr Aisey Aaty Hain,
Khwab Toot Jate Hain,
Sath Choot Jate Hain,
Kirchiyan Uthane Me,
Waqt Beet Jata Hai,
Dard Jeet Jata Hai.

Wafa Kuch Aur Hoti Ha

Wafa Is Ko Nahi Kehte, Wafa Kuch Aur Hoti Hai,
Mohabbat Karne Walon Ki, Adda Kuch Aur Hoti Hai,

Tumhein Dekha, Tumhein Chaha, Tum Hi Se Pyar Kar Bethay,
Suno Pathar K Dil Walon, Mohabbat Aisi Hoti Hai,

Agar Chah Gham Ka Mara Hon, Magar Tum Ko Na Bholon Ga,
K Dewano K Honton Par Dua Kuch Aur Hoti Hai,

Tarap Uthey Gi Ye Duniya Agar Roye Ga Dil Mera,
K Dil Se Jo Nikalti Hai Wo Sada Kuch Aur Hoti Hai.