Kabhi Jo Waqt Par Jaye

Kabhi Jo Waqt Par Jaye,

Tumhen Mujh Se Bicharhna Ho,

Tumhe Wade Se Phirna Ho,

To Beshak Dair Mat Karna,

Mujhe Naraz Kar Dena,

Tum Apni Simt Chal Dena,

Magar Jab Laut K Aana,

Tumhen Mitti K Teelay Par,

Main Shayad Na Dikhai Don,

Magar Heran Mat Hona,

Wahin Do Char Qadmon Par,

Mazaar-E-Bekaran Hoga,

Wahan Ek Phool Rakh Dena,

Aur Ik Shama Jala Dena,

Aur Apna Rukh Badal Lena,

Aur Apni Simt Chal Dena.

Jin Lamhon Mein Hum Sath Rahe

Kuch Yaadein Hain Un Lamhon Ki,

Jin Lamhon Mein Hum Sath Rahe,

Khushiyon Se Bhare Jazbaat Rahe,

Ek Umar Guzari Hai Hum Ne,

Jahaan Ruthe Howe Bhi Hanste The,

Kuch Sunte The Kuch Sunate The,

Hum Roz Subah Jab Milte The,

To Sab K Chehre Khilte The,

Pur Lutf Wo Manzar Hota Tha,

Sab Mil Kar Batein Karte The,

Hum Soch K Kitna Hanste The,

Wo Goonjh Humare Hansne Ki,

Ab Ek Puraani Yaad Bani,

Ye Batein Hain Un Lamhon Ki,

Jin Lamhon Mein Hum Sath Rahe.

*****************************

Dedicated To All Friends.

Barishon K Mausam Mein

Barishon K Mausam Mein,

Waqt K Andheron Mein,

Mene Usse Pocha Tha,

Chorr To Na Jao Gay,

Hath Tham Kar Usne,

Kaan Mein Ye Bola Tha,

Kese Chor Sakta Hon?

Tum To Jaan Ho Meri,

Aur Aaj Aisa Hai,

Waqt Ki Tamazat Mein,

WehShton K Mausam Mein,

Mene Usse Pocha Hai,

Chor Kar Hi Jana Tha?

Muskurati Galion Mein

Aas Q Dilayi Thi?

Pyas Q Jagayi Thi?

Mere In Sawalon Per

Chalte Chalte Wo Bola,

Mausam Ki Adat Hai Waqt Pe Badal Jana…