Tag: Wasi Shah Poetry

Is Imtehan Mein Hoon Dil Ka Hisab Kis Ko Doon,
Hisab-e-Ishq Pe Likhi Kitab Kis Ko Doon,

Har Aik Shakhs Ko Mujh Se Bohat Mohabbat Hai,
Sawal Ye Hai Wafa Ka Jawaab Kis Ko Doon,

Mera Khuloos Mohabbat Wafa Hai Sab K Liye,
Sochta Hon K Lab-e-Lubaad Kis Ko Doon,

Mere Liye To Sabhi Log Aik Jaise Hain,
Sukoon Kis Ko Doon Main Izteraab Kis Ko Doon,

Hojoom-e-Husn K Meley Main Sochta Hoon Main “Wasi”
Haath Main Thama Gulaab Kis Ko Doon.

Teri Aankhon Ka Ye Kajal Bara Anmol Lagta Hai,
Teri Zulfon Ka Ye Badal Bara Anmol Lagta Hai,

Bara Masoom Sa Hai Ye Tere Chehre Ka Bhola Pan,
Tera Wo Shokh Chanchal Dil Bara Anmol Lagta Hai,

Tere Peron Ka Wo Payal, Tere Hathon Ka Wo Kangan,
Wo Jhumka Tere Kaano Ka Bara Anmol Lagta Hai,

Jo Milte Ho Mujhse Raahon Mein To Dil Jhoom Uthta Hai,
Zara Se Sath Ka Wo Pal Bara Anmol Lagta Hai,