Apni hadd se guzar gaya koi
apni hadd hi mein mar gaya koi
Apne talway lahoo lahoo kar ke
raah aasaan kar gaya koi
Umr bhar koi muntazir hi raha
muskorata guzar gaya koi
Aisa ilzaam uss ke haq mein na tha
dhar ke ilzaam sarr gaya koi
Yun to dil mein maqam hona tha
kyun nazar se utar gaya koi
Aag se bach nikal ke aaya tha
aaj pani se mar gaya koi
Zindagi khawahishon ka ashdah hai
jaan kar bhi udhar gaya koi
Qadr wadon ki jaan kar bhi ‘Nisar’
kaisay hanstaa mukar gaya koi
