Author: Ahmed Nisar

Shab e zeest ke falak par mera maahtab tuu hai
mere ghuncha-e wafa par jo khila gulaab tuu hai

Jo shama umeed ki thi teri zaat se jali thi
ae tasawwur e shakista pas-e-iztiraab tuu hai

Mere ashkon ke shehar mein yeh ajeeb shor kaisa
ke hawaen keh rahi hain pas-e-inqilab tuu hai

Continue reading “Mere saaray raaz-e-hasti kiya benaqaab tuu hai” →

Hum bhi gumnaam kisi naam pay marjate hain
aur mar karr bhi tira naam hi kar jatay hain

Jaane kis naam se rishton ko nibhana hai hamein
aur kis naam se ayyaam guzar jatay hain

Waqt ki shaam kisi ne nahi dekhi lekin
shaam ka waqt tire naam hi kar jatay hain

Continue reading “Chahat e zeest liye jeetay hain mar jatay hain” →

Apni hadd se guzar gaya koi
apni hadd hi mein mar gaya koi

Apne talway lahoo lahoo kar ke
raah aasaan kar gaya koi

Umr bhar koi muntazir hi raha
muskorata guzar gaya koi

Continue reading “Raah aasan kar gaya koi” →

Wo kabhi aap se wafa na kiya
Khud se khud ko agar judaa na kiya

Bhool jana hi ek raah magar
Bhool jaane ka hausla na kiya

Khud ko paun ya khud ko kho jaun
Bas yahi main ne faisla na kiya Continue reading “Bas yahi main ne faisla na kiya” →