Mohabbaton Mein Kuch Aisay Bhi Hal Hote Hain,
Khafa Hon Jin Se Unhi K Khayal Hote Hain,
Machalte Rehte Hain Zehanon Mein VasVason Ki Tarah,
Haseen Log Bhi Jaan K Wabal Hote Hain,
Main Dil Ka Zakhm Chupaon Teri Tarah Kese,
K Tere Pas To Lafzon K Jal Hote Hain,
Bus Aik Tu Hi To Nahi Udasi Ka Sabab,
Tarah Tarah K Dilon Ko Malal Hote Hain,
Siyah Raat Mein Jalte Hain Jugnuon Ki Tarah,
Dilon K Zakhm Bhi Mohsin Kamal Hote Hain.
(Mohsin Naqvi)