Nasihat Roz Bikti Hai Aqidat Roz Bikti Hai,
Tumhary Shehr Mein Logon Mohabbat Roz Bikti Hai,
Ameer-E-Shehr K Dar Ka Abhi Mohtaj Hai Mazhab,
Abhi Mulla K Fatwoon Mein Shariyat Roz Bikti Hai,
Humary Khoon Ko Bhi Woh Kisi Din Beich Dalay Ga,
Kharidaron K Jhurmat Mein, Adalat Roz Bikti Hai,
Najanay Lutf Kia Milta Hai Un Ko Roz Biknay Mein,
Tawaif Ki Tarah Logo Qayadat Roz Bikti Hai,
Kabhi Masjid K Mimber Par, Kabhi Hujray Mein Chup Chup K,
Mere Wahiz K Lehjay Mein Qayamat Roz Bikti Hai,
Bari Lachaar Hain Tahir Jabinain In Gharebon Ki,
K Majboori Ki Mandi Mein Ibadat Roz Bikti Hai.