Ye Jo Main Hoon, Mere Honey Ka Sabab Mitti Hai,
Khaak Hoon Aur Mera Naam-O-Nassab Mitti Hai,
Umar Bhar Main Phira Duniya Tere Pechche Pechche,
Marte Dum Muh Pe Khula Raaz K Sab Mitti Hai,
Ik Taraf Khaak Hai Aur Doosri Jaanib Duniya,
Main Zameen Zaad Hoon Aur Meri Talab Mitti Hai,
Kheench Leti Hai Mere Paaon K Neeche Se Zameen,
Shehar-E-Janaan Teri Galion Ki Ajab Mitti Hai,
Aey Masiha Nafaso Koi Ealaj-E-Gham-E-Khaak,
Aey Mere Chaara Garon, Jaan Balab Mitti Hai,
Tu Agar Hai To Hai Sona Mere Din Ki Chaandi,
Tu Nahi Hai To Ye Sara Zar-E-Shab Mitti Hai,
Woh Bhi Din The K Main Mitti Se Gurezaan Tha Jawaz,
Yeh Bhi Din Hain K Mere Chaarsu Abb Mitti Hai.