Jub se begum ne mujhe murgha bana rakha hai,
Main ne nazron ki tarhan sir bhi jhuka rakha hai,
Bartano aaj mere sir pe baraste kion ho?
Main ne dho dha k tumhain kitna saja rakha hai,
Roz leti he talashi wo police ki manind,
Pochti he kahan paison ko chupa rakha hai,
Wahi duniya mein muqaddar ka sikandar tehra,
Jis ne khud ko yahan shadi se bacha rakha hai,
Pee ja is maar ki talkhi ko bhi hans k shoher,
Maar khane mein bhi Qudrat ne maza rakha hai!