Ye Na Thi Humari Qismat ki Wisaal-e-Yaar Hota,
Agar Aur Jeete Rahte Yahi Intizar Hota,
یہ نہ تھی ہماری قسمت کہ وصال یار ہوتا
اگر اور جیتے رہتے یہی انتظار ہوتا
Tere Waaday Par Jiye Hum To Ye Jaan JhooT Jaana,
Ke Khushi Se Mar Na Jaate Agar Aitbaar Hota,
ترے وعدے پر جیے ہم تو یہ جان جھوٹ جانا
کہ خوشی سے مر نہ جاتے اگر اعتبار ہوتا
Teri Nazuki Se Jaana ki Bandha Tha Ehd Boda,
Kabhi Tu Na ToR Sakta Agar Ustuvar Hota,
تری نازکی سے جانا کہ بندھا تھا عہد بودا
کبھی تو نہ توڑ سکتا اگر استوار ہوتا
Koi Mere Dil Se Pochhe Tere teer-e-nim-kash Ko,
Ye Khalish Kahan se Hoti Jo Jigar ke Paar Hota,
کوئی میرے دل سے پوچھے ترے تیر نیم کش کو
یہ خلش کہاں سے ہوتی جو جگر کے پار ہوتا
Ye Kahan ki Dosti Hai ki Bane Hain Dost Naaseh,
Koi Charasaz Hota Koi Ghum-Gusar Hota,
یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا کوئی غم گسار ہوتا
Rag-e-sang se Tapakta Wo lahoo ki Phir Na Thamta,
Jise Ghum Samajh Rahe Ho Ye Agar Sharar Hota,
رگ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو یہ اگر شرار ہوتا
Ghum Agarche Jan-Gusil Hai Pa Kahan Bachen ki Dil Hai,
Ghum-e-Ishq Gar Na Hota Ghum-e-Rozgar Hota,
غم اگرچہ جاں گسل ہے پہ کہاں بچیں کہ دل ہے
غم عشق گر نہ ہوتا غم روزگار ہوتا
Kahun Kis se Main ki Kya Hai Shab-e-Ghum Buri Bala Hai,
Mujhe Kya Bura Tha Marna Agar ek Baar Hota,
کہوں کس سے میں کہ کیا ہے شب غم بری بلا ہے
مجھے کیا برا تھا مرنا اگر ایک بار ہوتا
Hue Mar ke Hum Jo Rusva Hue Kion Na Gharq-e-Dariya,
Na Kabhi Janaza Uthta na Kahin Mazar Hota,
ہوئے مر کے ہم جو رسوا ہوئے کیوں نہ غرق دریا
نہ کبھی جنازہ اٹھتا نہ کہیں مزار ہوتا
Usey Kaun Dekh Sakta ki Yagana Hai Wo Yakta,
Jo Dui ki Bu Bhi Hoti to Kahin Do-Char Hota,
اسے کون دیکھ سکتا کہ یگانہ ہے وہ یکتا
جو دوئی کی بو بھی ہوتی تو کہیں دو چار ہوتا
Ye Masaiel-e-Tasavuf Ye Tera Bayaan Ghalib,
Tujhe Hum Walee Samajhte Jo Na Bada-Khwar Hota.
یہ مسائل تصوف یہ ترا بیان غالبؔ
تجھے ہم ولی سمجھتے جو نہ بادہ خوار ہوتا
