Author: Ifrahim

Maqroz K Bigrey Howe Halaat Ki Manind,
Majbor K Honton Pe Sawalaat Ki Manind,

Dil Ka Teri Chahat Mein Ajab Haal Howa Hai,
Sailaab Se Barbad Makanaat Ki Manind,

Main Un Mein Bhatakte Howe Jugnu Ki Tarha Hon,
Us Shakhs Ki Ankhein Hain Kisi Raat Ki Manind,

Dil Roz Sajata Hon Main Dulhan Ki Tarha Se,
Gham Roz Chale Aatey Hain Baraat Ki Manind,

Ab Ye Bhi Nahi Yaad K Kiya Naam Tha Us Ka?
Jis Shakhs Ko Manga Tha, Manajaat Ki Manind,

Kis Darja Mukaddas Hai Terey Qurb Ki Khwahish,
Masoom Se Bachchy K Khayalaat Ki Manind,

Us Shakhs Se Milna Mera Mumkin Hi Nahi Tha,
Main Pyas Ka Sehra Hon Vo Barsaat Ki Manind,

Samjhao Usay Faiz K Ab Reham Karey Wo,
Dukh Bantta Phirta Hai Vo Soghat Ki Manind.

Chiragh-E-Shab Ko Jesay Aandhiyaan Achi Nahi Lagti,
Kuch Aisay Hi Humen Khush Fehmiyaan Achi Nahi Lagti,

Jinhain Soney K Pinjrey Mein Ghiza Mil Jaye Chandi Ki,
Unhain Phir Umar Bhar Aazadian Achi Nahi Lagti,

Woh Jin K Dil Mein Fasal-E-Gham Ne Darey Daal Rakhy Hon,
Unhain Pholon Pe Bethi Titliyaan Achi Nahi Lagti.