Category: Ghazal

Ghazal / Ghazals of your Favorite Poets

Zillat-E-Tanhai Se Ghabra K Aayi Hoon

by     

PARVEEN SHAKIR

Zillat-E-Tanhai Se Ghabra K Aayi Hoon,

Main Abhi Abhi Sheher-E-Wafa Se Aayi Hoon,

 

Kuch Dair Hawa Ko batoon Me Lagaye Rakhna,

Main Ghar Mein Ek Charagh Jala K Aayi Hoon,

 

Uss Ne Pocha Hai Ehd-E-Wafa Nibhao Gay?

So Haathon Mein Quran Utha K Aayi Hoon,

 

Wo Chahe To Ab Mujh Se Tark-E-Talluq Kar Le,

Wo Meri Zindagi Hai Usay Bata K Aayi Hoon,

 

Wo Ab Bhi Mujhe Anna Parast Samajhta Hai,

Main Jisay Ro Ro Ke Mana K Aayi Hoon,

Usko Fursat Hi Nahi Waqt Nikale Mohsin

by     

Usko Fursat Hi Nahi Waqt Nikale Mohsin,

Aise Hote Hain Bhala Chahne Wale Mohsin,

 

Yaad K Dast Mein Phirta Hoon Main Nange Paon,

Daikh To Aa K KAbhiPaon K Chahle Mohsin,

 

Kho Gayi Subha Ki Ummeed Aur Ab Lagta Hai,

Hum Nahi Hon Gay K Jab Hon Gay Ujale Mohsin,

 

Khaak Ko Bhi Nahi Pahunche Ga Koi Karbal Ki,

Ab Bhale Aik Jahan Khoon Mein Naha Lay Mohsin,

 

Main Kahan, Hakim-e-Waqt Kahan, Adal Kahan,

Kion Na Khalqat Ki Zuban Par Lagain Taale Mohsin,

 

Wo Jo Ik Shakhs Mata-e-Dil-o-Jaan Tha Na Raha,

Ab Bhala Kaun Mere Dard Sambhale Mohsin.

Nikal K Ghar Se Kabhi Mere Raaston Mein Aa

by     

Nikal K Ghar Se Kabhi Mere Raaston Mein Aa,

 

Bikhar K Meri Tarha Tu Musafaton Me Aa,

 

Teri Talash Mein Janey Main Kab Se Phirta Hon,

 

Main Thak Chuka Hon Tu Ab Meri Aahaton Mein Aa,

 

Main Rang O Boo Ki Numaish Mein Aab Deeda Hon,

 

Tu Abar Ban K Meri Simt Barishon Mein Aa,

 

Main Tere Wastey Khiltey Gulab Laya Hon,

 

Bahaar Ban K Kabhi Mere Mosamon Me Aa,

 

Mohabbaton Mein Bicharna Koi Kamaal Nahi Aey Dost,

 

Kamaal Ye Hai K Bichar K Wapis Mohabbaton Me Aa.