Ham Dekhen gy,
Lazim Hai k ham bhe Dekhen gy,
Ham Dekhen gy,
Jab Zulm O sitam k Koh-a-Giraan,
Ruee ke Tarha urrh jayn gy,
Ham Mehkoomon k Paon taly,
Ye Dharti Dharr Dharr Dharky ge,
Aur Ahl-a-hakam k Sar oper,
Jab Bijli karr karr karky ge,
HAM DEKHEN GY..
Jab Arz-a-Khuda k Ka’by sy,
Sab Butt uthwaey jayn gy,
Ham Ahly wafa Mardood-a-haram,
Masnad pe Bithaey jayn gy,
Sab Taaj Uchaaly jayn gy,
Sab Takht Giraey Jayn gy,
HAM DEKHEN GY..
Bas Naam rahy ga Allah Ka,
Jo Gaib bhe hai Hazir Bhe,
Jo Naazir bhe hai Manzar bhe,
Uthy ga An’AlHaq Ka Naraa,
Jo Main bhe hun Or tm bhe Ho,
Aur Raaj kry ge Khalq-a-Khuda,
jo Main bhe hun Aur tm bhe Ho..
HAM DEKHEN GY….
“Faiz Ahmad Faiz”
