Tera Khayaal Mera Maskan-E Khayaal Bana,
Tera Jamaal Mera Gulshan-E Khayaal Bana,
Khayaal-E-Yaar Se Meraaj Ho Gayi Meri,
Khayaal-E-Shauq Tera Khirman-E-Khayal Bana,
Simat Ke Rah Gaye Terey Tasawwuraat Jahaan,
Merey Khayaal Mein Tu Chilman-E-Khayaal Bana,
Merey Jigar Ka Hi Ek Soz Hai Khayaal Tera,
Jala Jala Hua Tu Daaman-E-Khayaal Bana,
Sazaa Sa Lagta Hai Kion Kar Tera Khayaal ‘NISAR’,
Khayaal Hi Mein Tera Mad-Fan-E-Khayaal Bana.
