Agarche Zor Hawaon Ne Daal Rakkha Hai,
Magar Charagh Ne Lo Ko Sambhal Rakkha Hai,
اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے
Bhale Dinon Ka Bharosa Hi Kia Rahen Na Rahen,
So Main Ne Rishta-e-Gham Ko Bahal Rakkha Hai,
بھلے دنوں کا بھروسا ہی کیا رہیں نہ رہیں
سو میں نے رشتۂ غم کو بحال رکھا ہے
Hum Aise Sada Dilon Ko, Wo Dost Ho K Khuda,
Sabhi Ne Vada-e-Farda Pe Taal Rakkha Hai,
ہم ایسے سادہ دلوں کو وہ دوست ہو کہ خدا
سبھی نے وعدۂ فردا پہ ٹال رکھا ہے
Hawa Mein Nasha Hi Nasha, Faza Mein Rang Hi Rang,
Ye Kis Ne Pairahan Apna Uchal Rakha Hai,
ہوا میں نشہ ہی نشہ فضا میں رنگ ہی رنگ
یہ کس نے پیرہن اپنا اچھال رکھا ہے
Bhari Bahar Mein Ek Shaakh Par Khila Hai Gulab,
K Jaise Tu Ne Hatheli Pe Gaal Rakkha Hai,
بھری بہار میں اک شاخ پر کھلا ہے گلاب
کہ جیسے تو نے ہتھیلی پہ گال رکھا ہے
Mohabbaton Mein To Milna Hai Ya Ujar Jana,
Mizaj-e-Ishq Mein Kab Etidal Rakkha Hai,
محبتوں میں تو ملنا ہے یا اجڑ جانا
مزاج عشق میں کب اعتدال رکھا ہے
Hisab-e-Lutf-e-Harifan Kiya Hai Jab To Khula,
K Doston Ne Ziada Khayal Rakkha Hai,
حساب لطف حریفاں کیا ہے جب تو کھلا
کہ دوستوں نے زیادہ خیال رکھا ہے
FARAZ Ishq Ki Duniya To Khoobsurat Thi,
Ye Kis Ne Fitna-e-Hijr-o-Visal Rakkha Hai.
فرازؔ عشق کی دنیا تو خوبصورت تھی
یہ کس نے فتنۂ ہجر و وصال رکھا ہے
