Aah Ko Chahiye Ek Umar Asar Hone Tak

Aah Ko Chahiye Ek Umar Asar Hone Tak,
Kaun Jeeta Hai Teri Zulf K Sar Hone Tak,

آہ کو چاہیے اک عمر اثر ہونے تک
کون جیتا ہے تری زلف کے سر ہونے تک

Dam-e-HarMauj Mein Hai Halqa-e-SadKam-e-Nahang,
Dekhein Kia Guzre Hai Qatre Pe Gohar Hone Tak,

دام ہر موج میں ہے حلقۂ صد کام نہنگ
دیکھیں کیا گزرے ہے قطرے پہ گہر ہونے تک

Ashiqi SabrTalab Aur Tamanna Betab,
Dil Ka Kia Rang Karun Khoon-e-Jigar Hone Tak,

عاشقی صبر طلب اور تمنا بیتاب
دل کا کیا رنگ کروں خون جگر ہونے تک

Humne Maana K Taghaful Na Karoge Lekin,
Khaak Ho Jayengy Hum Tum Ko Khabar Hone Tak,

ہم نے مانا کہ تغافل نہ کرو گے لیکن
خاک ہو جائیں گے ہم تم کو خبر ہونے تک

Partav-e-Khur Se Hai Shabnam Ko Fana Ki Taleem,
Main Bhi Hon Ek Inayat Ki Nazar Hone Tak,

پرتو خور سے ہے شبنم کو فنا کی تعلیم
میں بھی ہوں ایک عنایت کی نظر ہونے تک

Yak Nazar Besh Nahin Fursat-e-Hasti Ghafil,
Garmi-e-Bazm Hai Ik Raqs-e-Sharar Hone Tak,

یک نظر بیش نہیں فرصت ہستی غافل
گرمیٔ بزم ہے اک رقص شرر ہونے تک

Gham-e-Hasti Ka ASAD Kis Se Ho Juz Marg Elaaj,
Shama Her Rang Mein Jalti Hai Sahar Hone Tak.

غم ہستی کا اسدؔ کس سے ہو جز مرگ علاج
شمع ہر رنگ میں جلتی ہے سحر ہونے تک