Shab-e-Zeest k Falak Par Mera Mahtab Tu Hai,
Mere Ghuncha-e-Wafa Par Jo Khila Gulab Tu Hai,
Jo Shama Umeed Ki Thi Teri Zaat Se Jali Thi,
Aey Tasawary Shakista Pas-e-Iztarab Tu Hai,
Mery Ashkon k Shehar Mein Ye Ajeeb Shor Kesa,
K Hawain Keh Rahi Hein Pas-e-Inqalab Tu Hai,
Tujhe Kia Galay Lagaya Qataye Pata Nahi Tha,
Aray Ishq-e-Behijabi Yehan Ek Azaab Tu Hai,
Mujhe Raas Aane Wala Mujhe Raas Kio Na Aaya,
Yehi Ghum Sata Raha Hai Mera Intikhab Tu Hai,
Wo Sharara Pal Raha Hai Yehan Tere Mere Dil Mein,
Tera Iztarab Main Hon Mera Iztarab Tu Hai,
Mere Aaine K Ghar Mein Tujhe Kia Jagha Dia Tha,
Mere Sare Raaz-e-Hasti Kia Benaqab Tu Hai,
Yun Nisar Kaam Lena Meri Tishnakamion Se,
Meri Piyas Ko Bujhaye Kahan Aisa Aab Tu Hai
