All Type of SMS, Funny SMS, Love SMS and Much More
Ghazal / Ghazals of your Favorite Poets
Shab-e-Hijran ki aziyat ki Khabar Kis Ko Hai,
Meri Gumnaam Mohabbat ki Khabar Kis Ko Hai,
Kis Ko Ehsas Mery Shidat-e-Jazbaat ka Hai,
Meri Halat, Meri Wehshat Ki Khabar Kis Ko Hai,
Kon Veran Makano Ki Khabar Rakhta Hai,
Meri Ujri Hoee Kismat Ki Khabar Kis Ko Hai,
Maine Chup Chap Mohabbat K Sitam Jhailay Hain,
Meri Is Darja Shrafat Ki Khabar Kisko Hai,
Kon Aaye Ga Aey Dil Ab TujhKo Tasalli Dene,
Teri Udaas Tabiyat Ki Khabar Kis Ko Hai.
Tu Ne Dekha Hai Kabhi Ek Nazar Shaam K Baad,
Kitne Chup Chap Se Lagtey Hain Shajar Shaam K Baad,
Itne Chup Chap K Rastey Bhi Rahen Gay La Illm,
Chor Jayengay Kisi Roz Nagar Shaam K Baad,
Main Ne Aise Hi Gunah Teri Judai Mein Kiye,
Jaise Toofan Mein Koi Chor De Ghar Shaam K Baad,
Shaam Se Pehle Wo Mast Apni Uranon Mein Raha,
Jis K Hathon Mein Then Tootey Huwe Par Shaam K Baad,
Raat Biti To Giney Aabley Or Phir Socha!!
Kon Tha Bais-E-Aaghaz-E-Safar Shaam K Baad,
Tu Hai Sooraj Tujhe Maloom Kahan Raat Ka Dukh,
Tu Kisi Roz Mere Ghar Mein Utar Shaam K Baad,
Lout Aaye Na Kisi Roz Wo Aawara Mizaj,
Khol Rakhte Hain Isi Aas Pey Dar Shaam K Baad…
Mosam Hai Barish Ka Or Yaad Tumhari Aati Hai,
Barish K Her Ek Qatrey Se Aawaz Tumhari Aati Hai,
Badal Jab Garajte Hain DiL Ki Dharkan Barhti Hai,
Or DiL Ki Har ek Dharkan Se Aawaz Tumhari Aati Hai,
Jab Tez Hawain Chalti Hain To jaan Humari jati Hai,
Mosam Hai Barish Ka Or Yaad Tumhari Aati Hai.
Nahi Mumkin Andheron Mein Chiraghon Ka Bhuja Dena,
Bohat Mushkil Hai Meri Jan Tumhen Dil Sy Bhula Dena,
Tumhen Ik Din Satain Gi Meri Chahat K Sab Jazbay,
Meri Ghazlein, Meri Nazmein, Mere Khat Bhi Jala Dena,
Kabhi Jo Yaad Aaon Me Tumhen Fursat K Lamhon Mein,
Haseen Hathon Se Kaghaz Par Mujhe Likhna Mita Dena.