Ishq Mein Barbad Hone K Siva Rakha Na Tha,
Gham Ko Sahne K Elava Koi Bhi Chara Na Tha,
Yaad Reh Reh Kar Kisi Ki Hai Satati Raat Bhar,
Subh Hote Bhol Jana Ye Tujhe Sheva Na Tha,
Ye Teri Ulfat Mujhe Rakhti Hai Betabi Mein Gum,
Ye Sabhi Ko Thi Khabar Lekin Koi Charcha Na Tha,
Aaina Dekhon To Kion Tu Nazar Aaye Mujhe,
Bolta Hai Kia Tera Chehra Mere Jaisa Na Tha,
Din Guzar Jata Hai Duniya Ki Masafat Mein Magar,
Raat Hi Ek Imtihan Hai Jis Ka Andaza Na Tha,
Raat Ki Tanhaiyan Aaghosh Mein Le Kar Mujhe,
Pochti Hein Kia Kabhi Tanhaiyan Dekha Na Tha,
Kia Mohabbat Vo Nasha Hai Main Zara Janon Nisar,
Zindagi Mein Is Tarah Pehle Kabhi Behka Na Tha.
