Maqam-e-Hijr Kahin Imtihan Se Khali Hai,
Kahin Zameen Bhi Kisi Aasman Se Khali Hai,
Nashat-e-Gham Mein To Dard-e-Nihan Talash Na Kar,
Nashat-e-Gham Kabhi Dard-e-Nihan Se Khali Hai,
Urooj-e-Gham Mere Soz-e-Jigar Se Aa Pocha,
Maqam-e-Dil Kahin Soz-e-Nihan Se Khali Hai,
Khayal Us Ka Main Shayad Samajh Nahin Paya,
Mera Khayal To Ishq-e-Butan Se Khali Hai,
Ek Aisi Baat Hi Taskin-e-Qalb Bakhshe Hai,
Nisar Dil Mera Wahm-o-Guman Se Khali Hai.
