Ab Yaad Dilaey Kon Tumhain?
Yeh Saal Bhi Aakhir beet Gaya,

Mera Apna Bhi Koi Dosh Nahi,
Yeh Baazi Bhi Jag Jeet Gaya,

Wo Sard Hawain Ab Bhi Hain,
Rangeen, Fizain Ab Bhi Hain, Read more »

Baba Mere Payare Baba, Mujhko Bhi Tum Yaad Aate Ho,
Mama Meri Pyari Mama, Tumbhi Mujhko Yaad Aati Ho.
Baba Mere…

Ye Na Samajhna Haar Gaya Hon, Main Duniya Se Paar Gaya Hon,
Beta Hon Main Tera Baba, Aaj Haseen Hai Mera Baba,
Tumko Fakhar Hai Mujhpe Baba, Naaz Jahan Ko Tujhpe Baba,
Sehlena Ye Judai Baba, Jo Qismat Me Ai Hai Baba,
Khwabon Mein Ab Baat Rahe Gi, Yaad Meri Tere Sath Rahe Gi,
Baba Mere…

Ilm Ki Dolat Bharti Rahy Gi, Read more »

Teray khayal,
Teray khuwab
Aur teri mohabbat,
Zuban pay ghazal,
Hathon main kitab
Aur teri mohabbat
Gumnam alfaz,
Talkh sawalaat, benaam tehrirain,
Adhoray jawabat,
Aur teri mohabbat

Thandi sehar, sard hawain
Urhtay badal, taiz ghtain
Aur teri mohabbat
Halki dhoop, sohana mosam
Bheegay pair, shafaf aasman
Aur teri mohabbat
Teri baatain, tanha raatain
Kabhi hijr, kabhi mulaqatain
Aur teri mohabbat
Dar o baam, dhalti sham
Kitab qalam, tera naam
Aur teri mohabbat
Phool titli, bhaag o bahaar
Gaata darya, jhoomti lehrain
Aur teri mohabbat
Chamakta chand, jagmag taaray
Awara jugnu, bheeghi shabnam
Aur teri mohabbat

Jaltay chiragh, urhta dhua’an
Tera intizar, wasl ka samaan
Aur teri mohabbat
Chupta suraj, halki barsaat
Dhanak k rang, tera saath
Aur teri mohabbat
Sarhaanay takya, bikhra bistar
Bechain karwatain, raat ka pehar
Aur teri mohabbat….

Mein ney nazar’on sey is ko chum lia
Jo tum ney mujhey dia tha kabhi
Ik mehakta hua sa surkh gulab
Zindagi ki haseen raah’on mein
In mehakti hui fiza’on mein
Is ki khushbo mein din guzar’on gi
Mujh ko jenay ka hosla dey ga
Ik mehakta hua surkh gulab
Mein isi soch key samandar mein
Ghota zan thi key yak-ba-yak mujh ko
Dour rastey mein tum nazar aye
Tum kisi ajnabi si larki ko
Dey rahey thay khod apney hath’on sey
Ik mehakta hua surkh gulab!

`` `

Showing results 1 - 4 of 30 for the tag: Urdu Nazmain.

` ``